Тукайлыларның куркынычсызлыгы – көн кадагында

Торак йортларда янгын куркынычсызлыгын тәэмин итү максатында, социаль тәэмин итүдә хисапта торучы социаль куркыныч, 5 һәм аннан да күбрәк балалы гаиләләрдә, ялгыз яшәүче өлкәннәр, инвалидлар өйләрендә янгын чыгу турында хәбәр бирүче автоном җайланмалар урнаштырылды.

Ведомствоара чара барышында "Шәфкать" халыкка социаль хезмәт күрсәтү үзәгенең гаилә һәм балаларга социаль ярдәм күрсәтү бүлеге хезмәткәре Г. Хәсәнова, күзәтчелек эшчәнлеге һәм профилактика эшләре бүлеге хезмәткәрләре А. Асеев, Р. Камалетдинов, Р. Нәфыйков, В. Шаһиевләр янгын куркынычсызлыгы таләпләрен үтәү буенча инструктаж үткәрделәр, янгын чыгуы турында хәбәр итүче җайланмалар белән куллану кагыйдәләрен аңлаттылар.