Тукай районындагы «ТМИМ» оешмасының генераль директор урынбасары һәлакәттә вафат булган

23 сентябрь көнне кичке сәгать 5 тулганда Яңа Мусабай - Яр Чаллы юлында «TOYOTA HIGLANDER» машинасы юл кырыена чыгып әйләнә. Автомобильнең тизлеген тиешледән арттырган йөртүче - «ТМИМ» оешмасының генераль директор урынбасары идарә итүне югалта. Яңа Мусабай авылында яшәгән 44 яшьлек әлеге ир-ат идарә фаҗига урынында ук вафат була. 2017 ел башыннан ул юл йөрү кагыйдәләрен бозган өчен 15 мәртәбә административ җаваплылыкка тартылган булган. Кызганычка каршы, бу юлы ул куркынычсызлык каешын да эләктермәгән, дип хәбәр итә район ЮХИДИ бүлеге.