Тукай районыннан «Алтын битлек» коллективы «Алтын тирмә» фестивале лауреаты булды

25-27 апрель көннәрендә Октябрьский шәһәрендә милли театрларның «Алтын тирмә»төбәкара фестивале узды. 
Быел фестивальдә 14 халык театр коллективы катнашты. Өч көн дәвамында тамашачылар, жюри һәм тәнкыйтьчеләр башкорт, рус, татар һәм мари телләрендә 14 милли спектакль карадылар.
Милли театрларның «Алтын тирмә» төбәкара фестивале иң яхшы театр коллективларын һәм иң якты спектакльләрне ачыклау максатында өч елга бер тапкыр үткәрелә.
Татарстан Республикасы Тукай районыннан «Алтын битлек» театр коллективы «Сагынган чакларымда» драмасы өчен II дәрәҗә лауреат исеменә лаек булды (режиссеры — Райля Закирова).