Якты юл

Тукай районы

18+
Рус Тат
2024 - Гаилә елы
Яңалыклар

Татарстанда эшмәкәрләргә хисап тапшыру хезмәтеннән бушлай файдалану мөмкинлеге бирелә

Татарстанда эшмәкәрләр бер календарь елына хисаплар тапшыру өчен сервиска бушлай керә алачак. Әлеге мөмкинлек «Кече һәм урта эшмәкәрлек» илкүләм проектын гамәлгә ашыру кысаларында тәкъдим ителә.

Мондый хезмәткә Татарстан территориясендә теркәлгән кече һәм урта эшмәкәрлек субъектлары дәгъва итә ала. Ярдәм программасында катнашу өчен гаризаны МСП.РФ Цифрлы платформасының «Төбәк ярдәм чаралары» бүлегендә бирергә, анда «Хисаплар тапшыру сервисыннан бер ел бушлай файдалану» хезмәтен сайларга кирәк.

Гаризаны кабул иткәннәрме-юкмы икәнен эшмәкәр МСП.РФ Цифрлы платформасындагы шәхси кабинетында карап белә алачак.

ТР Икътисад министрлыгы мәгълүматлары буенча, 2024 ел башыннан бу сервистан бушлай файдалану мөмкинлегенә 50дән артык эшмәкәр ия булган.

Реклама

Хисап бирү хезмәте түбәндәгеләрне үз эченә ала:

Теләсә кайсы төбәккә Федераль салым хезмәтенә, Россия Социаль фондына, Росстатка роумингсыз онлайн-хисап бирү;

Хисапларны әзерләү, тикшерү, йөкләү, редакцияләү һәм җибәрү;

Хисапларны тикшерү, автомат исәпләүләр һәм тутыру буенча белешмәләр;

Хисапларны тикшерү, редакцияләү һәм 1С тан Федераль салым хезмәтенә, Россия социаль фондына, Росстатка җибәрү модуле;

Сату китабы һәм хисап-фактуралар журналы буенча контрагентлар белән чагыштыру үткәрү;

Контрольлек итүче органнардан белешмәләр һәм өземтәләр;

Федераль салым хезмәте таләпләренә җаваплар әзерләү һәм җибәрү;

Хисапларның статусы һәм контрольлек итүче органнардан хәбәрләр турында СМС һәм email аша хәбәрнамәләр;

Законнар базасы белән хокукый-белешмә сервисы;

Оешманың финанс анализы;

Сервиста эшләү буенча һәм предмет өлкәсендә тәүлек әйләнәсе ярдәм һәм консультацияләр.

Әлеге хезмәт һәм башка ярдәм чаралары турында өстәмә мәгълүматны «Минем бизнес» үзәгенең «кайнар линия» номерына шалтыратып белешергә була: +7 (843) 524-90-90.

Россиядә илкүләм проектлар РФ Президенты Владимир Путин инициативасы һәм йөкләмәсе нигезендә гамәлгә ашырыла.

Кызыклы яңалыкларны күзәтеп бару өчен Телеграм-каналга язылыгыз

#илкүләм проектлар

Следите за самым важным и интересным в Telegram-каналеТатмедиа

"Якты юл" газетасына язылыгыз һәм Тукай районындагы яңалыкларны, вакыйгаларны белеп торыгыз

https://podpiska.pochta.ru/press/%D0%9F9499

Реклама

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев