Бүген, 27 мартта, Татарстанда һава температурасының сизелерлек җылынуы фаразлана. Бу турыда ТР Гидрометеорология һәм әйләнә-тирә мохитне күзәтү идарәсе хәбәр итә.
Республикада алмашынучан болытлы һава торышы күзәтеләчәк: иртән кайбер районнарда җепшек кар һәм яңгыр явуы ихтимал, ә көндез явым-төшемнәр туктый. Иртәнге сәгатьләрдә, шул исәптән Казанда да, урыны белән томан сакланачак.
Җил көнчыгыш һәм көньяк-көнчыгыштан секундына 3–8 метр тизлектә исәчәк. Шулай ук иртән юлларда бозлавык барлыкка килүе ихтимал.
Төнлә һава температурасы -2..+3 градус тирәсендә булса, көндез ул +7..+12 градуска кадәр күтәреләчәк, ә республиканың көнчыгыш районнарында кайбер урыннарда +15 градуска җитүе көтелә.
Н.Туганов фотосы
"Якты юл" газетасына язылыгыз һәм Тукай районындагы яңалыкларны, вакыйгаларны белеп торыгыз
Нет комментариев