Татарстан бюджеты: 2026 ел башына нәтиҗәләр
Агымдагы елның ике аенда Татарстанның консолидацияләнгән бюджетына 84,5 млрд сум акча кергән. Бу күрсәткеч узган ел белән чагыштырганда аз гына (0,6%ка) югарырак. Төп керемнәрнең 71,1 млрд сумы республика казнасына, ә 13,4 млрд сумы җирле бюджетларга бүленгән.
Керемнәрнең төп чыганагы булып шәхси керем салымы (НДФЛ) тора. Гыйнвар-февраль айларында 29,6 млрд сум җыелган — бу узган елдан 21,6%ка күбрәк. Үсешкә уртача хезмәт хакының артуы йогынты ясаган.
Табыш салымы буенча күрсәткечләр түбәнәйгән. Ике айда 17,8 млрд сум алынган, бу узган елгы нәтиҗәләрдән 24%ка (5,6 млрд сумга) азрак.
Бу саннарны ТР финанс министры урынбасары Алла Анфимова «Татар-информ» агентлыгында узган очрашуда җиткерде.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев