Райондашларыбыз кечкенәдән үк экологик тәрбия ала

- Мәләкәс-Иске Җирекле буасын ел саен чистартып тору, чүп-чардан арындыру - матур гадәткә кереп китте, - дип яза редакциябезгә Мәләкәс авылыннан Эльвира Вәлиева. - Ел саен әлеге искиткеч матур урын яңа төсмер ала бара. Бу елны да без, эшне озакка сузмыйча, Яр Чаллы шәһәренең «Чүп-чар. Бүтән. Юк. Яр Чаллы» («Мусора. Больше. Нет. Набережные Челны») экологик хәрәкәте координаторы Гүзәл Красноперова, шулай ук волонтерлар белән берлектә буа территориясен, чүп-чар белән тулган чокырларны чистартырга чыктык. Экологик акция барышында 80 капчык чүп җыелды. Соңыннан исә капчыктагы чүп-чар Идел буе экологик компаниясенә утильләштерүгә җибәрелде. Ә Мәләкәс буасы территориясе матураеп калды.