Район мөхтәсибе өлкәннәрне «Якты юл»га яздырды

13-23 октябрь көннәрендә, матбугатка язылу декадасы уңаеннан, район газетасына ташламалы язылу бара. Акция кысаларында, газетаны бүләк итеп яздырырга да була. Әти-әни, әби-бабайларыгызга, мөмкинлеге чикле кешеләргә ул бик зур шатлык китерер иде. Аларга ярты ел буена яңалыклар, кызыклы язмалар, файдалы киңәшләр белән танышып бару мөмкинлеге була бит. Хәйрия гамәле үзегезнең дә күңелегезгә куаныч китерер. Районыбызда андый хәйриячеләр шактый. Шуларның берсе - район мөхтәсибе Җәүдәт хәзрәт. Ул 15 өлкән кешене «Якты юл» газетасына яздырды. Сез дә игелек кылырга ашыгыгыз!