Прокуратура хәбәр итә

Тукай районы прокуратурасы 17 һәм 19 яшьлек ике җирле кешегә карата җинаять эше буенча гаепләү бәяләмәсен раслады. Алар РФ Җинаять Кодексының 163 маддәсе 2 нче бүлегенең «а», «г» пунктларында каралган җинаять кылуда гаепләнәләр (бер төркем затлар тарафыннан алдан сүз куешып, куркытып, янап зур күләмдә акча алу).

Тикшерү буенча, 2023 елның ноябреннән 2024 елның декабренә кадәрге чорда гаепләнүчеләр балигъ булмаган яшьтәшләреннән акча таләп иткән, аның намусын һәм абруен хурлаучы мәгълүматларны тарату белән янаган. Нәтиҗәдә җинаятьчеләр 300 мең сумнан артык урлаган.

Тикшерү барышында балигъ булмаган катнашучы өлешчә үз гаебен таныды, икенчесе – катнашын кире какты. Шул ук вакытта, икесе дә зыян күрүчегә 300 мең сум кайтарган. Зыянның калган өлешен каплау өчен гаепләнүчеләрдән мобиль телефоннары алынган.

Җинаять эше Тукай район судына асылы буенча карау өчен җибәрелгән.

Мәгълүмат Тукай районы прокуратурасыннан алынды