Музейга зур экскурсия

Мерәс авылы «Салават күпере» балалар бакчасында тәрбияләнүче балаларның «Гиндукуш» хәрби дан музеена килеп кергәч күзләрен күрсәгез! Кызыксыну, соклану белән тулы иде. Тельняшка, автомат, граната, пуля, патефон, каска… ниләр генә юк. Шулкадәр күп экспонатлар белән таныштылар. Хәтта тотып , киеп тә карадылар.Каска киеп , мылтык тотып карау өчен чират барлыкка килде.
Хәрби дан музеенда балаларны Резеда Рависовна һәм Лилия Миннеханифовна Бөек Ватан , Әфганстан сугышларына багышланган экспонатлар белән таныштырдылар. Сугыш еллары киемнәре, сугыш кораллары һәм фотосурәтләр беркемне дә битараф калдырмады. Әлеге экскурсиядән балалар тәэсирләнеп кайттылар.