Мәләкәстә "Керәшен телевидениесе күрсәтә" дип аталган балмаскарад үтте

30 декабрь көнне Мәләкәс мәдәният йортында "Керәшен телевидениесе күрсәтә" дип аталган балмаскарад булды. Сәхнәдә күп кенә фильмнардан өзекләр күрсәтелде, аларны "Яшьлек" бию коллективы, "Питрау" балалар фольклор ансамбле, "Кәмит компания" миниатюра театры, "Кичке утлар" театраль коллективы һәм "Җырларым-хыялларым" вокаль коллективы артистлары сәхнәләштерде, биеде, җырлады. Бәйрәм күңелле һәм эчтәлекле үтте.

Зал тулы тамашачы артистларны алкышлар белән каршы алды һәм озатып калды. Бәйрәм кичәсенә Тукай районы башлыгы Васил Хаҗиев, аппарат җитәкчесе Асхадә Наврозова да килгэн иде. Авыл халкын бәйрәм белән Мәләкәс авыл җирлеге башлыгы Кузнецова И.Н. һәм Тукай районы аппарат җитәкчесе Асхадә Наврозова котлады, дип хәбәр итте Мәләкәс мәдәният хезмәткәрләре.