Хөрмәтле медицина хезмәткәрләре!

admin, 20 июнь 2020 - 08:00

886

Элек-электән табиб, шәфкать туташы изге кешеләрдән саналган, чөнки без аларга гомеребезне ышанып тапшырабыз. Аларның шифалы куллары, игелекле йөрәкләре безне авырулардан коткара. Мең-мең рәхмәтләр сезгә!

Быел исә ак халатлы һөнәр ияләренең бәйрәме гаять куркыныч шартларда үтә. Һәркайда – шәһәрләрдә, районнарда бу изге җаннар, фронттагы сыман, авырулар гомере өчен көрәшә. Әлбәттә, коронавирусны җиңү өчен бик зур оешканлык кирәк. Район дәваханәсе дә «COVID-19» диагнозлы пациентлар белән эшләүдә зур тырышлык күрсәтә. Табибларның эше нәтиҗәле булсын өчен, республика җитәкчелеге белән беррәттән, без дә күп көч куябыз, аларга тиешле шартлар тудырабыз.
Үзем, гаиләм, район халкы исеменнән хөрмәтле медицина хезмәткәрләрен бәйрәм белән котлыйм, изге теләкләремне юллыйм.