Керемнәргә декларация тутырырга соңга калмагыз

Шәхси эшмәкәрләр, нотариуслар, адвокатлар, шәхси практика белән шөгыльләнүче физик затлар салым органына керемнәреннән декларация тапшырырга тиеш. Шулай ук 2016 елда милек, кыйммәтле кәгазьләр, устав капиталы өлеше сатудан, фатирын, бүлмәсен һәм башка биналарын арендага бирүдән, бүләк алудан, лотереяда отудан алынган һ. б. шундый керемнәрдән дә 2017 елның 2 маена кадәр декларация тапшыру сорала. Соңга калган очракта штрафлар карала.

Декларацияне Федераль салым хезмәте сайтының «Программные средства» бүлегендә «Декларация 2016» программасын кулланып тутырырга була. Бу эшне «Салым түләүче физик затларның шәхси кабинеты» аша да башкарырга мөмкин, дип хәбәр итә ТР буенча 9нчы районара салым инспекциясе.