Кайбер районнарда кыш җитте, Тукай районында да кар ява башлады

Берничә көн алдан фаразланган кар бүген Тукай районына да килеп җитте. Кичкә һәм төнгә синоптиклар ноль градустан түбән һава торышы һәм кар явар дип вәгъдә итә. Кайбер районнарга инде көндез үк кыш килде. Әле генә Азнакай - Мөслим трассасыннан фотолар җибәрделәр. Тирә-як ап-ак кар. Күпләр автомобильләрендә кышкы резинаны җәйгегә алыштырырга өлгергән иде инде. Шуңа күрә ЮХИДИ хезмәткәрләре тукайлыларны бу көннәрдә аеруча сак булырга, ихтыяҗ булмаганда трассага чыкмаска, мөмкинлек бар икән, җәмәгать транспортына күчәргә чакыралар.