«Якты юл» газетасында яңа җитәкче
Бүген Тукай районындагы «Якты юл» газетасына рәсми рәвештә яңа баш мөхәррир тәкъдим ителде. Бу җаваплы вазыйфага Олеся Аверьянова билгеләнде.
Яңа җитәкчене коллективка аппарат киңәшмәсендә Тукай районы башлыгы Камил Нәҗмиев тәкъдим итте. Ул җирле матбугат белән халык арасында нәтиҗәле хезмәттәшлекнең зур әһәмиятен билгеләп үтте. Профессиональ, тәҗрибәле яңа җитәкче газетаның традицияләрен саклап калырга, аны заманча форматларда үстерергә ярдәм итәр дип, ышанычын белдерде.
Олеся Аверьянова журналистикада 15 елдан артык эшли. Карьерасын АҖ «Татмедиа» холдинг структурасында башлаган, Түбән Кама телевидение-радиокомпаниясендә хезмәт иткән. Эш тәҗрибәсен хәбәрчедән башлаган Олеся Борисовна, җитәкче дәрәҗәсенә кадәр үскән, телевидение һәм интернет-массакүләм мәгълүмат чараларында эшнең үзенчәлекләрен өйрәнгән.
Элек баш мөхәррир вазыйфасын Айсылу Салимова башкарган. Ул үз вәкаләтләрен быел февраль аенда тапшырган.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев