Якташыбыз белән хушлаштык

Рядовой Андрей Малахов 2 сентябрьдә махсус хәрби операция барышында бурычларны үтәгәндә һәлак була.

Сугышчыны Новотроицкое авылына алып кайтып җир куенына иңдерделәр. Сугышчы белән хушлашу мәрәсимендә район башлыгы Фаил Камаев һәм РФ пенсия һәм социаль иминиятләштерү республика фонды башлыгы Эдуард Вафин катнаштылар.

Алар батыр сугышчының якыннарының авыр кайгысын уртаклаштылар.

Якташыбыз Андрей Александрович үз үрнәге белән рух көчен, хәрби батырлыкны күрсәтте. Гомеренең соңгы секундларына кадәр ул антына тугры калды. Без үз районыбызда туыпүскән геройыбызны истә тотачакбыз, аның исеме күңелебездә озак сакланыр.