Хөрмәтле Тукай районы хатын-кызлары!

Көннең яктылыгы - кояшта, күкнең матурлыгы - йолдызларда, җир йөзенең гүзәллеге - хатын-кызларда. Кадерле хатын-кызлар - әниләр, әбиләр, апалар, сеңелләр! Сезне чын күңелдән 8 Март бәйрәме белән котлыйбыз. Сезгә иң изге теләкләр телибез, якыннарыгызның игелеген күреп яшәргә язсын сезгә. Салкын, озын кышлардан соң килгән бу беренче Яз бәйрәме, иң гүзәл бәйрәмнәрнең берсе. Бу бәйрәм сезгә тормыш яме, яшәү көче өстәсен. Бәхет нурында коенып, назга күмелеп, сөеп-сөелеп яшәгез. Шушы бәйрәм көне, елмаеп баккан кояш матурлыгын, табигатьнең самимилеген өстәп, күңелләрегезгә шатлык, тәннәрегезгә сихәтлек, өйләрегезгә иминлек алып килсен.

Чын күңелдән саулык-сәламәтлек, гаилә бәхете һәм муллык телибез!

Бөтендөнья Татар Конгрессы Башкарма комитетының район бүлеге җирле оешмасы һәм Тукай районы якташлар җәмгыяте.