Эчкән һәм автомобильсез калган

Тукай районы суды исерек хәлдә кабат руль артына утырган 35 яшьлек Түбән Кама шәһәрендә яшәүчегә карата җинаять эшен карады.

Суд аны Россия Федерациясе Җинаять кодексының 264.1 маддәсендә каралган җинаять кылуда гаепле дип тапты. Эш материаллары буенча, 2024 елның 6 июнендә «Тойота Целика» автомобиле руле артындагы ир­ат «Дубрава» бакчачылык ширкәте территориясендә полиция хезмәткәрләре тарафыннан туктатылган. Тикшерү барышында машина йөртүченең исерек хәлдә булуы ачыкланган. Медицина тикшерүен узудан ул баш тарткан, аны транспорт чарасы белән идарә итүдән читләштергәннәр. Суд, дәүләт гаепләүчесе фикере белән килешеп, гаеплегә транспорт чаралары белән идарә итү хокукыннан 2 елга мәхрүм итү һәм 300 сәгать мәҗбүри эш рәвешендә җәза билгеләде. Автомобиль дәүләт кеременә конфискацияләнгән. Хөкем карары законлы көченә әлегә кермәде.

Прокуратура искә төшерә: исерек килеш автомобиль белән кабат идарә итү – законны турыдан-туры бозу гына түгел, ә башка юл хәрәкәтендә катнашучылар өчен дә куркыныч тудыра торган җинаять. Транспорт чарасы белән идарә итү хокук ыннан мәхрүм итү, мәҗбүри эшләр һәм транспорт чарасын конфискацияләү – бу җәмгыятьне яклауга һәм киләчәктә мондый инцидентларны булдырмауга юнәлдерелгән чаралар.

Руслан Галиев, Тукай районы прокуроры.