Чаллының берничә районында кайнар су бирүне ике атнага туктаталар
Чаллыда 13 майдан 26 майга кадәр шәһәрнең берничә районында кайнар су вакытлыча булмаячак. Бу җылылык челтәрләрен тикшерү һәм гидравлик сынаулар үткәрү белән бәйле.
ЗЯБ бистәсендә кайнар су бөтенләй сүндереләчәк. Замелекесье районында да бу чорда кайнар су булмый.
20А микрорайонында чикләүләр Фоменко проспектындагы 82нче йортка кагыла. 25нче микрорайонда 25/03, 25/05, 25/06, 25/07 йортларында, шулай ук Назыйм Якупов урамындагы 14нче йортта кайнар су туктатыла.
Моннан тыш, шул ук урамдагы 8нче йортта урнашкан «Шаян» балалар бакчасы да вакытлыча кайнар сусыз калачак. 26нчы микрорайонның шәхси йортларында яшәүчеләр дә шушы вакытта кайнар сусыз булачак.
Шәһәр хуҗалыгы идарәсе хәбәр итүенчә, бу эшләр киләсе кышка әзерлек өчен үткәрелә.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев