Бурычлыларның өйләренә чыктылар

Районда яшәүче 9 кешенең юл йөрү кагыйдәләрен бозган өчен 50 мең сумнан, 102 кешенең - 30 мең сумнан, 54 кешенең 10 мең сумнан артык бурычы бар. Бу атнада район ЮХИДИ хезмәткәрләре суд приставлары белән берлектә бурычлыларның өйләренә чыкты. Алар аңлату эшләре алып барды, бер кешенең кәрәзле телефонына арест салынды, берничә кеше түләгәнлеккә квитанцияләрен күрсәтте. Гыйнвар аенда гына да ЮХИДИ бүлеге 250 эш буенча материалларны суд приставларына җибәрде, дип хәбәр итәләр район ЮХИДИ бүлегеннән.