Билбау көрәше

Татарстанның 13 районы спортчылары Базарлы Матак авылының «Алинә» спорт залына җыелдылар. Көчле, лаеклы көндәшләр белән мавыктыргыч көрәштә Тукай районының Круглое Поле поселогы урта гомуми белем бирү мәктәбе укучылары бик яхшы физик әзерлекләрен күрсәттеләр. Үз үлчәү категорияләрендә спортчылар түбәндәге призлы урыннарны яуладылар: Валерия Ефремова – I урынны, Булат Гыйззәтуллин – III урынны һәм Марат Гыйльфанов IV урынны алды. Көрәшчеләрне һәм тренерны лаеклы нәтиҗәләр белән котлыйбыз!