«Без команда гына түгел, ә гаилә!»

Бәйгедә көндәшлек зур иде: Балтач, Арча, Мөслим, Зәй, Саба, Әлмәт, Мамадыш, Яңа Чишмә, Казан һәм Мәскәү җыелма командалары осталыкларын сынашты. Нәтиҗәдә ярымфиналга чыгу бәхетенә биш команда – Тукай, Зәй, Саба, Казан һәм Мәскәү уенчылары иреште.
Яңа уен апрельдә булыр дип көтелә, тик Тукай районы командасында уйнаган егет-кызларның ял итәргә вакыты юк – хәзер яңа мәзәкләр, кызыклы номерлар уйларга кирәк. «Без үзебезне команда түгел, ә гаилә дип атыйбыз. Соңгы вакытта гел бергә, туганлашып беттек инде. Үзебез авылныкылар булгач, чирекфиналда чыгыш ясар өчен нигездә авыл тормышын – бар кешегә дә якын булган теманы сайладык, – дип бүлеште команданың сәнгать җитәкчесе Радик Ханов. Мәзәкләргә килгәндә, алар төрле вакытта туа икән: мәсәлән, душта юынганда, хәтта төштә дә күргән булды», – ди КВНчы.
Командаларны җыр-чылар, танылган алып баручылар бәяләде. Жюрида Салават Фәтхетдинов, Җәвит Шакиров, Илназ Сафиуллин, Айваз Садыров, Әбри Хәбриев, Лилия Хәйруллина, Гөлназ Сәфәрова һәм башкалар. «Уеннан иң истә калган мизгел Салават абыйның безнең турыда: «Афәрин, мин сезнең белән горурланам!» – диюе булды. Шул вакытта күзләргә яшьләр тулды», – ди тәсирләре белән уртаклашты Радик.
Күңелле кичерешләр алда да күп булсын, егет-кызларга уңышлар телибез!

/ Фотолар район КВН командасыннан алынды.