Бер айда – 9 мөрәҗәгать

Законсыз рәвештә алкоголь сату турындагы хәбәрләрне «Халык контроле» интернет-порталына җибәреп, татарстанлылар 412 мең сум акча эшләгәннәр. Бу турыда ТР Дәүләт алкоголь инспекциясе җитәкчесе Җәүдәт Әхмәтханов хәбәр итте. Тукайлылардан исә бу темага 2017 елның беренче яртысында мәгълүмат системасына 16 кеше мөрәҗәгать иткән, шул исәптән 9ы июнь аенда. Акчалата премияне төнлә һәм алкогольле эчемлекләр өчен билгеләнмәгән нокталарда аракы сату турындагы хәбәрләр юллаучылар алган. Дәүләт алкоголь инспекциясендә кайнар линия дә эшли. Телефоны: 8 (843) 278-92-79.