Ашыгыгыз, язылу тәмамлана

автор, 17 июнь 2016 - 06:26

832

Агымдагы елның икенче яртыеллыгына газетага язылу өчен бик аз вакыт калып бара. Хөрмәтле газета укучыларыбыз, район яңалыкларыннан хәбәрдар булу өчен почта бүлекчәсенә ашыгыгыз, чөнки июнь аеның 25ендә басма матбугатка язылу тәмамлана да инде. Киләсе яртыеллыкта да бергә булыйк, яраткан газетабыздан аерылмыйк! Сезне тагын да кызыклырак мәкаләләр, файдалы киңәшләр, хуҗабикәләр өчен...

«Якты юл» газетасын укып, район сулышы, тормышы, район вакыйгалары белән хәбәрдар булып торырга, моннан тыш, республика, дөнья хәлләре, спорт, мәдәният вакыйгалары, белгечләр киңәшләре белән дә даими танышып барырга мөмкин. Кыскасы, хөрмәтле газета укучыларыбыз, бер-беребездән аерылмыйк. Һәр вакыттагыча күңелне борчыган мәсьәләләрне бергәләп хәл итик, шатлыклы вакыйгаларны бергә уртаклашыйк!

Галимҗан Зарипов,
район ветераннар советы һәм инвалидлар оешмасы җитәкчесе:

«Ветераннарыбыз район газетасының иң актив укучылары. «Якты юл» («Светлый путь») - районыбыздагы барлык яңалыкларны даими яктыртып баручы бердәнбер басма. Безнең буын бернәрсәгә дә битараф түгел. Хәзер дә ветераннарыбыз җәмәгать тормышында актив катнашалар. Газетабызга рәхмәтле без. Ветераннар тормышын яктыртып баралар, газета әле бит төрле буынның аралашу мәйданы да. Сугыш һәм хезмәт ветераннары турында язмалар еш чыга. Яшь буын өчен аларның тәрбияви роле зур».

«Якты юл» («Светлый путь») газеталарын кайда күпме яздыралар?

Почта хезмәте бүлекләре	2015 елга газеталарны яздыручылар саны	2016 елның икенче яртыеллыгына газеталарны яздыручылар саны (мәгълүматлар 16 июньдә алынды)
Бәтке	186	109
Биклән	166	86
Боерган	136	90
Борды	80	62
Иштирәк	39	32
Калмаш	126	77
Калмия	117	88
Комсомолец пос.	58	39
Круглое Поле пос.	31	47
Күзкәй	179	158
Күперле	19	14
Кече Шилнә	165	62
Мәләкәс	70	69
Мусабай-Завод	105	85
Түбән Суыксу	161	101
Новотроицкое	92	73
Яңа пос.	193	149
Сәмәкәй	83	66
«Татарстан» совхозы пос.	413	337
Иске Абдул	186	178
Иске Дөреш	87	55
Теләнче Тамак	239	221
Шилнәбаш	72	58
Яңа Бүләк	51	49
ПОПС 3	38	10
ПОПС 4	27	27
Барлыгы	3495	2513