26 апрельдә Татарстанда бу сезонның йомгаклау авыл хуҗалыгы ярминкәләре узачак

26 апрельдә бу сезонның йомгаклау авыл хуҗалыгы ярминкәләре узачак. Алар Казанда — 12, Яр Чаллыда — 2, Зеленодольскида — 2, Түбән Камада – 2 һәм Түбән Кама районының Кама Аланы шәһәр тибындагы бистәдә 1 мәйданчыкта җәелдереләчәк.

Ярминкә кунакларына арзан бәядән продуктларның киң ассортиментын тәкъдим итәчәкләр: ит (кош ите, сыер ите, дуңгыз ите), йомырка, бәрәңге, яшелчә, сөт продукциясе, шикәр, көнбагыш мае, он һәм кондитер әйберләре.

Ярминкәләр «Нәтиҗәле һәм конкурентлы икътисад» милли проекты буенча кече һәм урта бизнеска ярдәм кысаларында оештырылды. Сезон башыннан (15 марттан) 399 млн сумлык продукция сатылган.