Татарстан Гидрометеорология үзәге фаразлавынча, пәнҗешәмбе, 20 ноябрьдә, республикада болытлы һава торышы сакланачак. Көндез урыны белән бераз яңгыр яварга мөмкин.
Җил көньяк-көнчыгыштан һәм көньяктан исәчәк, тизлеге секундына 7–12 метр тәшкил итәчәк. Кайбер урыннарда җилнең көчәюе секундына 16 метрга кадәр җитәргә мөмкин.
Төнлә һава температурасы -1дән +2 градуска кадәр булачак. Көндез термометрның терекөмеш баганасы +1…+5 градуска кадәр күтәреләчәк.
Төнлә һәм иртән юлларның аерым участокларында бозлавык булуы ихтимал. Шоферларга һәм җәяүлеләргә юлларда аеруча сак булырга, һава шартларының начараюын исәпкә алырга кирәк.
Фото: Н.Туганов
Нет комментариев