Тукай үзәк район хастаханәсендә «Ак халатлы фәрештәләр» медицина фестивале узды

6 февральдә Тукай үзәк район хастаханәсендә «Ак халатлы фәрештәләр» Республика медицина фестивален уздыру кысаларында оештырылган гадәттәге Ачык ишекләр көне узды.

Чара барышында студентлар һәм мәктәпне укып бетерүчеләр белән очрашулар булды. Чараның максаты - Татарстан Республикасы сәламәтлек саклау системасы белән укучыларны таныштыру, абитуриентларны Казан дәүләт медицина университетына, медицина училищеларына һәм көллиятләренә тарту, медицина уку йортларын тәмамлаучыларны район хастаханәләренә эшкә тарту. Шушы чара уңаеннан районның 24 укучысы дәвалау оешмасының структур бүлекчәләре эше белән танышты. Анда район шифаханәсенең баш табибе Галим Сабирҗанов,бүлек башлыклары катнашты һәм чыгыш ясады. Шулай ук очрашуда Казан дәүләт медицина университеты студенты Кириллова Маргарита чыгыш ясады.