«Якты юл” газетасы такмаклар бәйгесе игълан итә

"Якты юл" газетасы яңа бәйгедә катнашырга чакыра. Кышны инде озатып, язның беренче аен да каршы алдык. Табигать йокысыннан уянып, кояш елмая башлау белән без кешеләрнең дә кәефе күтәрелә, елмаясы килә башлый. Күңелсезлекләр очраса да, аны елмаеп-көлеп җиңәргә тырышабыз, җырлар җырлыйбыз.. Шулай булмыйни, бары юмор хисе булган кеше генә абынса, егылса да, күтәрелә ала. Хөрмәтле укучыларыбыз, сезнең арада шаян такмакларны белүчеләр, башкаручылар гына түгел, үзләре иҗат итүчеләр дә барын беләбез. Әнә шундый осталарның бәйгедә катнашуын көтеп калабыз. Электрон адресыбыз: yakti.ul76@gmail.com Такмакларны рус һәм татар телләрендә башкарырга мөмкин, аларны язып, хат итеп юлласагыз да, видеога төшереп интернет аша җибәрсәгез дә була. Бәйге 1 апрельгә кадәр дәвам итә.