Конкурска гаризалар кабул ителә

Катнашучыларның «Вокал», «Конферанс» номинацияләрендә чыгышлары түбәндәге яшь категорияләрендә бәяләнәчәк: кече (8-14 яшь); урта (15-21 яшь); өлкән (22-30 яшь), «Сынлы сәнгать» номинациясендә 8 яшьтән 20 яшькә кадәрге теләүчеләр катнаша ала. Гаризалар 10 майга кадәр оештыру комитеты сайтында кабул ителә: http://ligamchakirovfest.tilda.ws/, https://vk.com/chakirovtykai.

11-18 майда беренче этап узачак, анда жюри катнашучыларның электрон заявкалар буенча җибәрелгән видеоформаттагы конкурс эшләрен караячак. Фестиваль-конкурсның икенче этабы 20-21 майда Тукай районының Яңа поселогы мәдәният йортында узачак. Өченче этап-бүләкләү һәм бәйрәм Гала-концерты, ул 2023 елның июлендә узачак, анда җиңүчеләр оркестрга кушылып чыгыш ясаячак.

Һәр номинациядә һәм һәр яшь категориясендә җиңүчеләр кыйммәтле бүләкләр белән бүләкләнәчәк, шулай ук Тукай муниципаль районы башлыгының махсус бүләге булачак.