Тукай районында ветераннар спартакиадасы узды (фото)

Өлкәннәр ункөнлеге дәвам итә. 7 октябрь көнне Сосновый Бор поселогының "Яшьлек" спорт комплексында Тукай районының өлкән кешеләре арасында спартакиада узды. Төрле авыл җирлекләре командалары кул көрәше, ату, шашка һәм башка спорт төрләре буенча көч сынашты. Нәтиҗәдә, 1нче урынны Мәләкәслеләр яулады, икенче урын -Күзкәй , өченче урын - Мусабай Завод командасыныкы, дип хәбәр итәләр районның яшьләр белән эшләү, спорт һәм туризм бүлегенннән.

Сәмәкәй мәдәният йорты каршында эшләп килүче "Зиләйлүк"ансамбле дә бу чарада кунакта булды.Җырлап-биеп бәйрәмгә нур өстенә нур өстәделәр.Ветераннар рәисе Галимҗан Салихович зур рәхмәтләрен җиткерде. Безнең белән бу спартакиада матур бер бәйрәмгә әверелде, дип хәбәр итә Сәмәкәй мәдәният йорты директоры Альфира Исхакова .