«Питрау» фольклор коллективы – «Туым җондызы – 2015» фестивале җиңүчеләре

Казан шәһәренең «Ак барс» яшьләр үзәгендә керәшен халык җыры «Туым җондызы - 2015» («Рождественская звезда») яшь башкаручыларның VII фестивале узды. Районыбыз данын Мәләкәс авылының «Питрау» халык фольклор коллективы һәм Бордының «Тәңкәләр» балалар коллективлары яклады. «Питрау» фольклор коллективы фестивальнең иң мәртәбәле бүләге - Гран-прига лаек булды. Алар кыйммәтле гармун белән бүләкләнде. Мәскәү шәһәреннән килгән бәйге кунаклары райондашларыбызны Россия башкаласына экскурсиягә дә чакырган. «Питрау» халык фольклор коллективының җитәкчесе - Людмила Адамова. Райондашларыбызны олы җиңүләре белән котлыйбыз. Яңадан-яңа уңышлар теләп калабыз.