Калмаш авыл җирлеге башлыгы ветераннарны котлады

Калмаш авыл җирлеге башлыгы Фердинат Шәвәлиев район җитәкчелеге исеменнән җирлек территориясендә яшәүче тыл хезмәтчәннәрен Җиңү көне белән котлады. Тантаналы шартларда аларга Татарстан Республикасы Рәисе һәм Башкарма комитет җитәкчесе Камил Нәҗмиев исеменнән истәлекле бүләкләр тапшырылды һәм Бөек Ватан сугышы елларындагы фидакарь хезмәтләре өчен рәхмәт сүзләре әйтелде: - Вилданова Мөслимә Әвҗәлетдин кызы, Метшина Люция Мәгъсүм Кызы, Нурмөхәммәтова Сәрия Хәбибулла кызы.

Җирлек башлыгы барлык ветераннарга ныклы сәламәтлек, иминлек һәм озын гомер теләде, аларның батырлыклары буыннар хәтерендә мәңгегә сакланачагын ассызыклады.