ТР Президенты уңган хатын-кызларыбыз белән очрашты

Халыкара хатын-кызлар көне - 8 март уңаеннан Татарстан Президенты Рөстәм Миңнеханов республика алдынгы хатын-кызлары белән очрашты, бүләкләр тапшырды. Әлеге бәйрәмгә безнең районнан Иштирәк авыл җирлеге башкарма комитеты җитәкчесе урынбасары Ләйсирә Закирова, Мәләкәс авылы "Тамчыкай" балалар бакчасы мөдире Алефтина Кадыйрова, "Тукай азык-төлек корпорациясе" агрофирмасыннан алдынгы сыер савучы Гөлүзә Әхмәтшина, "Татарстан коммуналь челтәрләре" предприятиесенең әйдәп баручы инженеры Наилә Круглова, Шилнәбаш урта мәктәбе директоры Финсилә Шәрифуллина һәм районның Пенсия фонды идарәсе башлыгы вазыйфаларын башкаручы Фәридә Әгъләҗева чакырылган иде.

Тантанада районның инвалидлар оешмасы рәисе Гөлфидә Гыйниятуллина да аерым бүләкләнде.