Һөнәр сайлау – җитди мәсьәлә

Район мәгариф бүлеге өлкән сыйныф укучыларын, һөнәр сайлауда юнәлеш бирү максатыннан, белгечлекләр белән таныштыру өчен төрле оешмаларга экскурсияләргә алып бара. 20-23 мартта район мәктәпләрендә укучы егет-кызлар "Промпласт" җәмгыятендә, "Бигеш" аэропортында, "Россия тимер юллары" ҖЧҖндә, Чаллы шәһәренең политехник көллиятләрендә булды, "Миңнеханов" крестьян-фермер хуҗалыгында район фермерлар ассоциациясе эше белән танышты. Мондый очрашулар укучыларның язгы каникулларыннан соң дәвам итәчәк. 2-10 апрель көннәрендә укучылар "Чаллы икмәге", "Вамин Татарстан" ААҖнең Яр Чаллы сөт комбинаты филиалында, "Чаллы яшелчәсе", "ТМИМ" оешмаларында булып кайтырлар дип көтелә, дип хәбәр итте тәрбия эшләре үзәге директоры Г. Гәрәева.