Бөтен район чаңгыга басты

Ял көннәрендә Россия күләмендә узган чаңгы ярышларында миллионлаган кеше чаңгыга басты. Яшьләр эшләре, спорт һәм туризм бүлегеннән алынган мәгълүматларга караганда район күләмендә чаңгы ярышларында барлыгы 2926 кеше катнашкан. Яңа поселогында үткән район чарасында 235 спортчы чаңгыга басты. Муниципаль район башлыгы Васил Хаҗиев житәкчелегендә бүлек мөдирләре, идарә башлыклары да биредәге чаңгы юлында үз көчләрен сынады. Хакимияттә эшләүчеләр спорт чарасында гаиләләре белән стартка чыкты. Чаңгы ярышыннан фоторепортаж белән газетаның сайтында һәм басманың җомга көнне чыгачак төсле битләрендә таныша аласыз.