Авыл хуҗалыгы рубрикасы буенча яңалыклар

• 30 октябрь 2019

  Кыр эшләре дәвам итә

  Бүгенгә шикәр чөгендере 2,7 мең гектарда казып алынган. Барлыгы 127065 тонна тамыразык Зәй шикәр заводына җибәрелгән.

• 25 октябрь 2019

  Авыл хезмәтчәннәре бәйрәме

  Авыл хуҗалыгы һәм эшкәртү сәнәгате хезмәткәрләре көне уңаеннан районкүләм бәйрәм тантанасы узды. Биредә авыл хуҗалыгы тармагының алдынгы хезмәткәрләре җыелды. Тантанада район башлыгы Фаил Камаев, ТР Авыл хуҗалыгы һәм азык-төлек министры урынбасары Ленар Гарипов катнашты.

  
• 25 октябрь 2019

  Безнең алдынгылар

  Безнең алдынгылар

• 11 октябрь 2019

  Тукайлыларның урыны түрдә

  Авыл хуҗалыгы һәм эшкәртү сәнәгате хезмәткәрләре көне уңаеннан ел саен үткәрелә торган республикакүләм тантаналы чара Казанның «Корстон» комплексында узды. Тантанада ТР Президенты Рөстәм Миңнеханов, ТР Премьер-министры урынбасары – авыл хуҗалыгы һәм азык-төлек министры Марат Җаббаров, ТР Дәүләт Советы вице-спикеры Марат Әхмәтов, ТР Дәүләт Киңәшчесе Минтимер Шәймиев катнашты. Тантанага тармак ветераннары, югары казанышларга ирешкән районнарның агросәнәгать комплексы, азык-төлек һәм эшкәртү сәнәгате предприятиеләренең, сервис оешмаларының хезмәт алдынгылары, барлыгы 700дән артык кеше чакырылган иде. Алар арасында Тукай районыннан район башлыгы Фаил Камаев җитәкчелегендәге делегация дә бар иде. Бу мәртәбәле бәйрәмдә тукайлылар игътибар үзәгендә булды. Быел Тукай районы бөртеклеләрнең тулай җыемы (175 мең тонна) һәм һәр гектардан чыккан уртача уңыш (40,4 центнер) буенча иң югары нәтиҗәләргә иреште.

  
• 04 октябрь 2019

  Кукуруз уңды

  Кышкы чорда маллардан тотрыклы продукция алу өчен беренче чиратта сыйфатлы һәм җитәрлек күләмдә азык запасы булу шарт. Яз, җәй айларында 17,8 мең тонна печән, 50,1 мең тонна сенаж әзерләнде. Бу бер шартлы терлек башына 21,6 центнер азык берәмлеге дигән сүз. Бүген аграрийлар силос өчен кукуруз уру белән мәшгуль.  Быел район басуларында кукуруз 3 мең гектардан артык мәйданда игелде, шуның 2,7 меңе силоска, 450 гектары орлыкка дип үстерелде. Хәзерге вакытта кукуруз 850 гектарда җыеп алынган, базларга 16,1 мең тонна силос салынган. Кырларда 18 комбайн эшли.

  
• 28 сентябрь 2019

  Терлекләр сәламәтлеге – кешелек сәламәтлеге

  16 сентябрьдән 27сенә кадәр республикада котыру чиренә каршы ункөнлек барды. Аның кысаларында район ветеринария берләшмәсе хезмәткәрләре эре хуҗалыкларда, крестьян-фермер һәм шәхси ярдәмче хуҗалыкларда хайваннар арасында төрле авыруларга каршы дәвалау-профилактика чаралары үткәрделәр – терлекләрдән кан алдылар, вакцинация ясадылар. Шәхси ихаталарда асрала торган хайваннар да читтә калмады. Районның баш эпизоотологы Әлфирә Харисова белән берлектә без дә, урыннарга чыгып, әлеге эш барышы белән танышып кайттык.

  
• 20 сентябрь 2019

  Йодрык кадәрле...

  Районда ике атна дәвамында «икенче икмәк» уңышын җыю бара. Бездә бәрәңге игү белән «Р-Агро» хуҗалыгы, «Шилнә» җитештерү кооперативы, «Миңнеханов», «Әшрәфуллин», «Мингалиева» крестьян-фермер хуҗалыклары шөгыльләнә. Бүген пландагы 283 гектарның 100 гектарыннан 3,1 мең тонна бәрәңге җыеп алынган. Гектардан чыккан уртача уңыш – 380 центнер. Бу – республика буенча уртача күрсәткечтән югары.

  
• 18 сентябрь 2019

  Сәйдәшлеләр: сыйфат беренче урында

  Районда урып-җыю эшләре ахырына якынлаша. Бүген 41,6 мең гектар мәйданнан 167,2 мең тонна икмәк җыеп алынды. Бу – планның 95 проценты. Игенчеләр бүген язгы бодай суктыру белән мәшгуль, шулай ук горчица, рапс кебек техник культуралар басуларында да эш башланды. Соңгы 1,8 мең гектар мәйданнан люпин, вика, карабодай культураларын җыеп аласы бар. Белгечләр фаразлавынча, җыеп алынган тулаем ашлык күләме буенча Тукай районының республикада беренче өчлеккә керү мөмкинлеге бар. Гектарыннан чыккан уртача уңыш та югары – бөртеклеләрнең гектарыннан уртача 40,1 центнер ашлык алынды. Бу республикада – икенче күрсәткеч. Шикәр чөгендеренең уңдырышлылыгы буенча да, Тәтеш, Зәй районнары белән берлектә, Тукай районы алда бара. Бездә гектарыннан чыккан уңыш уртача 470 центнердан артык.

  
• 17 сентябрь 2019

  Аның кулында – терлекләр сәламәтлеге

  Бүгенге көндә районда 8 эре хуҗалык, 89 крестьян-фермер hәм 19151 шәхси ярдәмче хуҗалык исәпләнә. Алар игенчелек, терлекчелек hәм орлыкчылык белән шөгыльләнә. Терлекчелек тармагының җитештерүчәнлегенә ветеринария хезмәтенең ничек эшләве зур тәэсир ясый. Терлекләрнең йогышлы һәм йогышлы булмаган авыруларын искәртү, терлекчелек продуктларының хәвефсезлеген тәэмин итү, район территориясенә республика чикләреннән төрле авырулар кертүне булдырмау кебек мөhим мәсьәләләр ветеринария табибларының иң төп бурычы. Шунысы да мөhим, бу эшчәнлек ветеринария берләшмәсе тарафыннан районда югары дәрәҗәдә куелган. Соңгы елларда районда куркыныч авырулар күзәтелмәве дә, эпизоотик хәлнең иминлеге дә моны дәлилли. Хуҗалыкларда ветеринария хезмәте ничек оештырылган соң? Без «Р-Агро» хуҗалыгына чыгып, ветеринар табибның бер эш көне белән танышып кайттык. 

  
• 13 сентябрь 2019

  Финиш сызыгына чыктык

  Район авыл хуҗалыгы һәм азык-төлек идарәсеннән алынган оператив мәгълүматларга караганда, бүгенге көнгә 37,6 мең гектардан 150 мең тонна ашлык җыелган. Бу планның 87 проценты.

• 11 сентябрь 2019

  Уңыш буенча без лидер

  Авыл хуҗалыгы һәм азык-төлек идарәсеннән алынган мәгълүматларга караганда, районда барлык культуралар 82 процент мәйданда җыелган.

  
• 07 сентябрь 2019

  Шикәр чөгендере быел мулдан

   Ике атна элек «Агрокөч» холдингының «Кама» агрофирмасы шикәр чөгендерен алуга кереште. Әлеге культура агрофирманың өч бүлекчәсендә дә игелә. Новотроицкоеда ул шактый киң мәйданда – 1395 гектарда чәчелгән. Биредәге уңышны җыеп алганнан соң комбайннар Теләнче Тамак басуына күчәчәк. Анда исә татлы тамыразыкның мәйданы 1275 гектарны били. Өченче чиратта – 646 гектарлы Яңа Бүләк басулары. Быел агрофирмада чөгендер барысы 3,3 мең гектарда игелә.

  
• 06 сентябрь 2019

  Кыр батырлары 

  Аяз, коры көннәр игенчеләргә урып-җыю эшләрен кызу темплар белән алып бару мөмкинлеге бирә. Бүген район буенча 30,7 мең гектар мәйданнан 121,1 мең тонна ашлык җыеп алынды. Бу планның 71 процентын тәшкил итә. Уртача уңыш – 39,7 центнер. Бу республика буенча уртача күрсәткечтән югарырак.

  
• 04 сентябрь 2019

  Кыр эшләре дәвам итә

  Авыл хуҗалыгы һәм азык-төлек идарәсе мәгълүматлары буенча, бүгенге көнгә 27,5 мең гектар мәйданнан тулаем 109,3 мең тонна ашлык җыеп алынган. Бу планның 64 процентын тәшкил итә. Гектарыннан чыккан уртача уңыш – 39,6 центнер.

• 28 август 2019

  Игенчегә олы хөрмәт

  Районда урып-җыю эшләре дәвам итә. Бүген 19,7 мең гектар мәйданда ашлык суктырылды. Бу – планның 44 проценты. Барлыгы 78 мең тонна ашлык җыелды, бер гектардан уртача уңыш – 41 центнер. Игенчеләр тулысынча көзге культураларны җыюны тәмамлады. Чиратта – язгы бодай. Бу атнада «Кама» агрофирмасында шикәр чөгендерен алырга керештеләр. Бүген 4865 тонна тамыразык җыелды. «Миңнеханов» крестьян-фермер хуҗалыгы хезмәтчәннәре беренче бәрәңге уңышын алды. Гектарыннан чыккан уртача уңыш – 250 центнер.