Авыл хуҗалыгы рубрикасы буенча яңалыклар

• 23 август 2019

  «Р-Агро» басуларында

  Урып-җыю эшләре район басуларында тулы куәтенә дәвам итә. Хуҗалыкларның ындыр табакларында басудан кайткан икмәкне киптереп, чистартып торалар. Ашлыкны кышкы саклауга урнаштыру белән беррәттән, басулардан төргәкләргә уралган саламны алып кайтып, ферма территорияләренә өеп куялар. Җирне туңга сөрү эшләре дә оешкан төстә бара. Шулай ук эшкәртелгән мәйданнарда уҗым культуралары чәчелә.

  
• 23 август 2019

  Амбардагысы ашлык

  Ындыр табагында кызу эш өсте. Биредә көзге муллык – ашлык көшелләре күзгә күренеп арта. 

  
• 21 август 2019

  Уру, сөрү һәм чәчү вакыты

  Июль ахырында һәм август башында һава шартлары начар булу эшләрне тоткарлады. Бүген урып-җыю һәр хуҗалыкта тулы куәтенә бара. Соңгы көннәрдә урнашкан яхшы һава торышы игенчеләргә һәр сәгатьне нәтиҗәле файдалану мөмкинлеге тудырды. Бүген аграрийлар төп игътибарны бөртекле һәм кузаклы культураларны урып-җыюга һәм уҗым культураларын чәчүгә юнәлтә.

  
• 19 август 2019

  Маллар да авырый

  Россия Федерациясенең кайбер төбәкләрендә эпизоотик хәл бик киеренке. Африка дуңгыз чумасы, ящур, нодуляр дерматит, сарыкларның чәчкә чире, бруцеллез, кош гриппы кебек аеруча куркыныч авырулар даими ачыклана. Тукай районының ветеринария белгечләре терлек hәм кош-кортлар арасында әлеге куркыныч авыруларны булдырмау максатыннан бу мәсьәләгә аеруча зур игътибар бирә. Бүгенге көндә районның эпизоотик хәле нинди? Авырулар килеп чыкмасын өчен нинди чаралар күрергә кирәк? Бу турыда районның баш эпизоотологы Әлфирә Харисова белән әңгәмә кордык.

  
• 16 август 2019

  Аяз көннәрдән тулысынча файдаланыйк

  Ниһаять, районда көтеп алынган яхшы һава торышы урнашты. Игенчеләр тулы көчкә урып-җыю эшләренә тотынды. Бүген басуларда 75 бөртек суктыручы комбайн һәм 200дән артык йөк машинасы эшли. Бу саннар алдагы көннәрдә тагы да артачак. Якындагы коры, явымсыз берничә көн игенчеләр өчен максималь хезмәт җитештерүчәнлеге көннәре булачак, диләр белгечләр.

  
• 14 август 2019

  Катлаулы, дымлы урак

  Һава шартлары район авыл хуҗалыгы хезмәтчәннәренә уракны тулы көчкә алып барырга мөмкинлек бирми. Шулай да бер атна эчендә урып-җыю темплары буенча ситуация сизелерлек үзгәрде. Игенчеләр һәр минуты кадерле булган сәгатьләрне бушка сарыф итми.

  
• 07 август 2019

  Быелгы җәй тагын да сыный

  Яңгырлы салкын һава торышы әлегә кыр эшләрен алып барырга мөмкинлек бирми. Быел урып-җыюның темплары 2018 елгыга караганда күпкә түбәнрәк. Тоташ салкын яңгырлар аграрийлар өчен генә зур сынау түгел, бар авыл халкын борчуга сала.

  
• 31 июль 2019

  Тукайлылар уракка төште

  Үткән җомгада Тукай районы игенчеләре уракка төште. Узган елдагыча, аңа старт «Гигант» хуҗалыгының көзге бодай басуында бирелде. Гигантлылар артыннан бөртеклеләрне суктыруга «Ярыш», «Р-Агро» хуҗалыкларында, «Биклән» җитештерү кооперативы, «Кама» агрофирмасында керештеләр. Бүгенгә районда 306 гектар мәйданнан 991 тонна ашлык җыелды. Белгечләр фикеренчә, быел уңыш бик мулдан. 

  
• 26 июль 2019

  «Ярыш»та һәркем хезмәттә

  Беренчеләрдән булып районда игеннәрне чабуга «Ярыш» хуҗалыгы кереште. «Р-Агро», «Гигант» хуҗалыкларында һәм «Кама» агрофирмасында да көзге бодай, арыш кебек культураларны теземнәргә сала башладылар. Район игенчеләре ашлык суктыруга бүген, җомга көнне кереште. Алар алдында 43,8 мең гектардан уңыш җыеп алу бурычы тора. 

  
• 24 июль 2019

  Комбайннар урып-җыюга әзер

  Урып-җыю башланырга санаулы көннәр калды. Белгечләр сүзләренчә, быел уңыш мулдан. Ин мөһиме – икмәкне югалтуларсыз җыеп алу.  Бүген бөртекләр өлгерүнең соңгы этабында. Температура югары булыр дип өмет итүдән мәгънә юк, хуҗалык җитәкчеләренә бөртекле культураларны чаба башларга киңәш ителде. Районда урып-җыю кампаниясе 26 июль көнне старт алачак.

  
• 20 июль 2019

  Икмәк өлгерә 

  Район хуҗалыкларында терлек азыгы әзерләү эше дәвам итә. 18 июльгә 12,5 мең тонна печән әзерләнде, 34,7 мең тонна сенаж салынды. Әлегә бер баш шартлы терлеккә 12,5 центнер азык берәмлеге туры килә. Кышкы чорга азык әзерләү белән беррәттән, көзге культураларны чәчү өчен җир эшкәртү эшләре бара. Бүген 2 мең гектардан артык җир уҗым культуралары өчен әзер. Шулай ук пар җирләрен эшкәртү дәвам итә.

• 18 июль 2019

  Алдынгы савымчы, уңган хуҗабикә

  Биектау районында ел саен үткәрелә торган республикакүләм сыер савучылар бәйгесе узды. Анда Тукай районының данын яклап «Гигант» хуҗалыгы савымчысы Әлфирә Солтанова чыгыш ясады. Районның алдынгы сыер савучысы ял йортына юллама белән бүләкләнде.

  
• 17 июль 2019

  Комбайннарның әзерлеген тикшерделәр

  Урып-җыю кампаниясенә әзерлек кысаларында, районның барлык сигез авыл хуҗалыгы предприятиесендә дә техника мәйданчыгында комбайннар парады узды.

• 13 июль 2019

  Тәүлегенә 35 литр сөт савыла

  «Миңнехуҗин» крестьян-фермер хуҗалыгының терлекчелек комплексында нәселле терлек саны артты – анда быел икенче мәртәбә Венгриядән голштино-фриз токымлы 66 буаз тана кайтардылар. Хәзер хуҗалыкта шундый 126 баш савым сыер һәм тана бар. Ел дәвамында исә Бакчасарайда нәселле сыерларның баш санын 200гә җиткерергә планлаштыралар.

  
• 12 июль 2019

  Эш тукталып тормый

  Бүгенге көндә район басуларында иген культуралары корткыч бөҗәкләргә каршы 53,8 мең гектарда, чүп үләннәренә каршы 70,6 мең гектарда, авыруларга каршы 48,3 мең гектарда эшкәртелгән. 50 мең гектар җирдә яфрактан тукландыру уздырылган. Барлык эшкәртелгән мәйдан 222,7 мең гектарны тәшкил итә. Бу пландагы участокларның 65 проценты дигән сүз.