Минераль ашлама алу өчен субсидия бирелә 

«Кама-Бекон», «Гигант», «Ярыш» һәм Сәйдәшев исемендәге хуҗалыкларда бу күрсәткеч 40-50 килограммны тәшкил итә. Бүгенгә иң аз ашлама «Вилданов» крестьян-фермер хуҗалыгында. Биредә бер гектар чәчүлек мәйданга уртача 8,3 килограмм тәэсир итүче матдә туры килә. Район буенча барлыгы 3600 тонна ашлама әзерләнгән. Министрлыкның киңәйтелгән коллегия утырышында ТР Президенты Рөстәм Миңнеханов бер гектарга кимендә 70 килограмм ашлама әзерләүне бурыч итеп куйды. Искә төшерәбез, һәр гектар чәчүлек мәйданга кимендә 30 килограмм минераль ашлама әзерли алган хуҗалыкларның субсидия алу мөмкинлеге бар. Ул гектарына 515 сум исәбеннән бирелә. Алга таба бу акчаны минераль ашламалар алуга гына юнәлтеп була.