Уңыш буенча без лидер

Тагын 7,8 мең гектар мәйданны җыясы калып бара. Барлыгы 141,1 мең тонна ашлык җыеп алынды. Бер гектардан уртача уңыш 39,6 центнер чыга. Бу республика буенча икенче күрсәткеч. «Ярыш» предприятиесе һәм «Вилданов» крестьян-фермер хуҗалыклары бөртеклеләрне урып-җыюны төгәлләделәр. Калган хуҗалыклар язгы бодай суктыру, рапс чабу белән мәшгуль. Чиратта – горчица, люпин һәм техник культуралар. «Кама» агрофирмасында тулы куәткә шикәр чөгендерен җыю бара. Бүген пландагы 3,3 мең гектарның 700 гектарыннан 33 мең тонна татлы тамыразык җыелган. Гектарыннан чыккан уртача уңыш – 474 центнер.