Эльвира Абдуллина автор яңалыклары

• 14 июнь 2019

  Балагыз эштән курыкмыймы?

  Без барыбыз да балаларыбызга бәхетле балачак телибез. Аларның хезмәт сөючән, эшне белеп башкаручы, тәрбияле булып үсүе турында хыялланабыз. Моны тормышка ашыруда төп корал – хезмәт тәрбиясе. Ә хезмәткә мәхәббәт кечкенәдән барлыкка килә. 

  
• 09 июнь 2019

  Җәйләү – маллар өчен «санаторий»

  Терлекчелек өчен азыкка мул җәй айларына кердек. Билгеле, хәзер яшел үләннең сөт өчен иң файдалы чагы. «Гигант» хуҗалыгының 1 мең башка якын терлеге инде бер ай чамасы саф һавада, җәйләүдә. 

  
• 08 июнь 2019

  Яшь батырлар Сабантуйга әзерләнә

  Үсмер чакта энергия ташып тора. Нидер эшлисе, үзеңә бер шөгыль табасы килә. 12-15 яшьләр тирәсендә нәкъ менә шундый талпынып алган чак була. Димәк, бу энергияне юкка гына сарыф итәргә ярамый, ә файдалы эшкә яки берәр хоббига багышларга кирәк. 

  
• 07 июнь 2019

  Печәнгә төшәр чак

  Районда шушы көннәрдә авыл хуҗалыгының актуаль мәсьәләсе – алдагы кышлату чоры өчен терлек азыгы әзерләү буенча семинар-киңәшмә узды. Ул Сәйдәшев исемендәге хуҗалыкта үтте. Чарада «Россельхозцентр» федераль дәүләт учреждениесенең Тукай районара филиалы җитәкчесе Назыйм Сәләхетдинов, район авыл хуҗалыгы һәм азык-төлек идарәсе, ветеринария берләшмәсе белгечләре, авыл хуҗалыгы предприятиеләре җитәкчеләре катнашты.

• 02 июнь 2019

  Сыерны кем оста сава? 

  Тукай районында сыер савучылар һәм көтүне яңарту технологлары бәйгесен уздыру матур традициягә әйләнде. Авыл хезмәтчәннәре аны бәйге дип түгел, бәйрәм дип атыйлар. Җыр-бию, уен-көлке белән бу бәйге чыннан да зур тамашаны хәтерләтә. Быел бәйге «Гигант» хуҗалыгында үтте.

  
• 29 май 2019

  Министр басуларга бәя бирде

  ТР премьер-министры урынбасары – авыл хуҗалыгы һәм азык-төлек министры Марат Әхмәтов эш сәфәре белән Тукай районына килде. Ул район басулары торышы белән танышты. Соңыннан «Кама» агрофирмасының Шилнәбаш авылы янындагы басуында район җитәкчелеге, авыл хуҗалыгы һәм азык-төлек идарәсе белгечләре, предприятиеләр, крестьян-фермер хуҗалыклары җитәкчеләре, җирлек башлыклары белән очрашты.

  
• 22 май 2019

  Тукайлылар стратегиясе – республикага үрнәк

  Тукай районында авыл халкының эшлеклелек сыйфатларын үстерүгә кагылышлы зона семинары үтте. Анда республиканың Әгерҗе, Актаныш, Алабуга, Зәй, Менделеевск, Минзәлә, Мөслим, Сарман районнарыннан – барысы 250 авыл җирлегеннән килгән вәкилләр катнашты. Семинарда җирлек башлыклары Тукай районының заманча технологияләр кулланып эшләүче крестьян-фермер хуҗалыклары эшчәнлеге белән таныштылар, Иске Җирекледә яңа ачылган паркны карадылар. Соңыннан «ТР Муниципаль берәмлекләре советы» ассоциациясе рәисе Әкъзам Гобәйдуллин һәм республика министрлыклары вәкилләре катнашында пленар сессия узды.

  
• 22 май 2019

  Чәчү тәмамланды, эшләр дәвам итә

  Район игенчеләре 46 мең гектар җиргә булачак  уңышка нигез салдылар. Механизаторлар чәчүне төгәлләп, басуларны карау эшенә тотындылар. Әйтик, чәчүлекләрне тукландыру, аларны тишелеп чыккач тырмалау, авыруларга, корткычларга, чүп үләннәренә каршы эшкәртү бара. Мул уңыш алу өчен тиешле агрочараларны башкару шарт.

  
• 18 май 2019

  Авылның киләчәге эшмәкәр кулында

  Кнәз авыл җирлегенә караган кечкенә, әмма бай тарихлы Чыршылы авылында «Хөрмәтуллин» крестьян-фермер хуҗалыгы үз эшчәнлеген алып бара. Хуҗалык җитәкчесе Таһир Хөрмәтуллин тумышы белән Чыршылыдан. 2012 елда үз эшчәнлеген шушында башлый. Фермер туган авылын яшәтү, күтәрү идеясе белән яши. 

  
• 15 май 2019

  Сабыйлар да дан җырлый

  Җиңү көне Иске Абдул җирлегендә дә елдагыча киң колач белән узды. Үзәктән кала, митинглар Мерәс һәм Иректаң авылларында да үтте. Аларда да бәйрәмнәр истә калырлык булды.

  
• 15 май 2019

  Чәчү тәмамлану алдында

  Бүгенгә районда барлык мәйданның 38,9 мең гектарында чәчү үткәрелде. Бу – гомуми планның 81 проценты. Эш актив рәвештә дәвам итә. Кырларда 40 техника берәмлеге эшли. Тәүлек эчендә 2,5 мең гектар мәйдан чәчелә. Бу атна азагына төп чәчүнең төгәлләнүе көтелә, белдерде район авыл хуҗалыгы һәм азык-төлек идарәсе башлыгы Ренат Хәсәнов. 

  
• 09 май 2019

  Чәчү тулы куәтенә бара

  Бүген аграрийлар өчен үтә кызу чор. Алар алдында чәчү кампаниясен уңышлы уздыру бурычы тора. Бүген район басу-кырларында эш ничек тора? Бу турыда без район авыл хуҗалыгы һәм азык-төлек идарәсе башлыгы Ренат Хәсәновтан белештек.

  
• 08 май 2019

  Һәрвакыт бергә: хезмәттә дә, бәйрәмдә дә!

  1 Май – Яз һәм Хезмәт бәйрәмен Чаллы шәһәрендә елдагыча зурлап билгеләп үттеләр. Халык «Җиңү Паркы» янында митингка жыелды: хезмәт коллективлары, иҗтимагый төркемнәр, студентлар, ветераннар, пенсионерлар. Митингта ул көнне барлыгы 28 меңгә якын кеше катнашты. Шуларның 150дән артыгы – Тукай районы хезмәтчәннәре. Быел алар беренче тапкыр күмәк төстә мондый тантаналы чарада катнаша. 

  
• 01 май 2019

  Депутатлыкка кандидатлар халык белән очрашты

  Быел сентябрь аенда ТР Дәүләт Советына депутатлар сайлау була. Алдан тавыш бирү кысаларында Круглое Поле поселогында депутатлыкка кандидатлар – Тукай районы башлыгы Фаил Камаев һәм «РИТЭК» ҖЧҖ генераль директоры урынбасары Николай Нефедов район халкы белән очрашты. 

  
• 28 апрель 2019

  Алты хуҗалыкка – ике миллион сум 

  Билгеле булганча, Тукай районында 2019 ел шәхси ярдәмче хуҗалыкларга ярдәм итү елы дип игълан ителде. Быел район авыл хуҗалыгы министрлыгы юнәлешендәге республика программаларында аеруча актив катнаша.