Тукай районы Башкарма комитет җитәкчесе Камил Нәҗмиевның Кобран гаете белән котлавы
Хөрмәтле райондашлар, дин кардәшләр. Тукай районы Советы hәм Башкарма комитеты исеменнән сезне изге бәйрәм – Корбан гаете белән котлыйм!
Корбан гаете шәфкатьлелекне гәүдәләндерә. Корбан бәйрәме – якын кешеләребезне, мохтаҗларны, ятим һәм толларны, бер-беребезне кайгырту бәйрәме буларак халкыбызны берләштерә. Шатлыклы бәйрәм бер-беребезгә хөрмәт һәм ихтирам тәрбияләүдә зур әһәмияткә ия.
Райондашларым, мөхтәрәм дин кардәшләрем! Корбан гаете мөбарәк булсын! Барчагызга да бәхетле һәм бәрәкәтле гомер, тыныч-имин тормыш, ныклы сәламәтлек телим. Ил-көннәребез тыныч, күкләребез аяз булсын! Тырыш хезмәт куеп чәчелгән игеннәребез мул булып аның бәрәкәтен күреп яшәргә язсын!
Хөрмәт белән Тукай районы Башкарма комитеты җитәкчесе Нәҗмиев Камил Рим улы
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев