Татарстанда аномаль җылылык дәвам итәчәк

Татарстан Гидрометеорология үзәге фаразлавынча, киләсе атна башында төбәктә ноябрь өчен аномаль җылы һава торышы сакланачак.

Дүшәмбе көнне алмашынучан болытлы һава явым-төшемсез булачак. Җил төньяк-көнбатыштан, көньяк-көнчыгышка күчеп, 5-10 м/с, көндез тизлеге 14 м/с ка кадәр җитә. Төнлә температура 0..-5 градус, көндез-якынча +5. Төнлә һәм иртән бозлавык булуы ихтимал.

Сишәмбе көнне яңгыр, урыны белән юеш кар булыр дип көтелә. Җил көньяк-көнбатыштан, төньяк — көнбатышка күчә, тизлеге 14 м/с ка кадәр җитә. Төнге температура-0..+5 градус, көндезге - +2..+7.

Чәршәмбе көнне көндез явым-төшем булуы ихтимал. Җил төньяк-көнбатыштан, көньяк-көнбатышка күчеп, 6-11 м/с. Төнлә 0 – 5 градус булыр дип көтелә, көндез -2 дән +2 градуска кадәр.