Мәләкәстә Сабантуйга әзерләнәләр

Милли бәйрәм узачак биләмәләрне төзекләндерүдә авылның барлык халкы катнаша. Мәләкәслеләрның планында-коймаларны буяу, майданда урнашкан башка корылмаларны яңарту.

Ә мәдәният йорты хезмәткәрләре мәктәп укучылары белән берлектә бәйрәмдә музыкаль программа әзерли башладылар. Иске традиция буенча, Сабантуй алдыннан авыл халкы бүләкләр җыюны да оештыра. Мәләкәс авыл җирлеге башлыгы Юрий Васильев хәбәр иткәнчә, милли бәйрәм программасы бай һәм кызыклы булырга, һәр катнашучыга ошарга тиеш.