Декларация тапшырырга вакыт

2016 елның 1 гыйнварыннан декларация кампаниясе башланды. Шәхси эшмәкәрләр, нотариуслар, адвокатлар, шәхси практика белән шөгыльләнүчеләр; милек, кыйммәтле кәгазьләр, устав капиталы өлешен сатучылар; милекне, шул исәптән торак һәм торак булмаган биналарны арендага бирүчеләр; лотереяларда акча отучылар; салым тотылмаган керемнәр алучылар; Россия Федерациясеннән читтә керем алучылар; акчалата һәм башка формада бүләк алучылар (бүләк алучы яки бирүче гаилә әгъзасы яки туганы булмаса) декларацияне үзләре тапшырырга тиешләр. Декларацияне салым органына килеп, электрон почтадан яки шәхси кабинет аша бирергә мөмкин. Аны тутырырга www.nalog.ru сайтындагы «Декларация 2015» программасы ярдәм итә ала. Декларация тапшыру кампаниясе 30 апрельгә кадәр бара, дип хәбәр итә Татарстан Республикасы буенча 9нчы районара салым инспекциясе.