Зәрия Вәлиева автор яңалыклары

• 27 февраль 2026

  Аллаһның фәрештәләренә ышану

  Бисмилләәһир-рахмәәнир-рахиим. Ислам дине өч нигезгә корылган: иман – Аллаһның Барлыгына, Берлегенә ышану, Ислам – Аллаһ кушканнарны үтәү, тыйганнарыннан тыелу, ихсан – ихласлык белән Аллаһка гыйбадәт кылу. Иман алты өлештән тора: Аллаһның Барлыгына һәм Берлегенә, Аның фәрештәләренә, китапларына, пәйгамбәрләренә, Ахирәткә, тәкъдиргә ышану. Балаларга багышланган сәхифә – Аллаһның фәрештәләренә ышану хакында.

  
• 17 февраль 2026

  Алар Җиңүне якынайтты

  Мәүва Гали кызы Дәүләтшина Мусабай Завод авыл җирлегенә керүче Кызыл Байрак авылында яши. Бөек Ватан сугышы башланганда аңа тугыз яшь кенә була. Балачаклары белән вакытыннан алда хушлашырга туры килгән буын вәкиле ул.

  
• 13 февраль 2026

  Әфган – син һаман да истә, истә ...

  Әфган җиренә аяк баскан совет солдатлары арасында япь-яшь шәфкать туташлары байтак була. Бу язмам батыр милләттәшебез – Тукай районы үзәк хастаханәсендә шәфкать туташы булып хезмәт куючы Тутыя Харис кызы Заһидуллина турында. Кабул медсанчастенең элеккеге шәфкать туташы истәлекләр тулы хәтер сандыгындагы кайбер истәлекләр белән уртаклашты.

  
• 08 февраль 2026

  Бәхетле, уңышлы кеше

  Киңкырлы шәхес турында урыс халкында «самородок» дигән гыйбарә бар. Круглое Поле поселогында яшәүче Налима Аманбай кызы Нургалиева – Яр Чаллы, Тукай районында яшәүче укучылар өчен чын-чынлап олы табыш, ягъни самородок.

  
• 07 февраль 2026

  Гыйлем – нур

  Олимпка юл – санау, кушу-алудан башланды

  
• 31 гыйнвар 2026

  Алмаз Закиров: «Теләгең булса, эш – карышмый!»

  Республика күләмендә җитештерелгән барлык итнең 37 проценты Тукай районына туры килә. Монда, һичшиксез җирлегебездә хезмәт куючы КФХларының өлеше зур. Иске Җирекле авылындагы Наил Фәррахов КФХ, аның кияве – Алмаз Закиров җитәкчелегендәге Бордыбаш авылындагы «Алмаз» КФХ ил табынын ризыклы итүдә зур өлеш кертәләр.

  
• 24 гыйнвар 2026

  Һөнәрленең кулы алтын

  Түбән Суык-Су авылында яшәүче Дилшат Зиннәт улы Фазуллин – гомерен балаларга белем һәм тәрбия бирүгә багышлаган педагог, «РФ Мәгариф отличнигы», хезмәт ветераны, оста оештыручы, таләпчән җитәкче, үрнәк гаилә башлыгы, кайгыртучан ир, сөекле дәү әти һәм... Оста куллы һөнәр иясе, рәссам.

  
• 18 гыйнвар 2026

  Тукай районы Иске Дөреш авылында яшәүче Фәйрүзә белән Ришат Галимуллиннар ун сыер асрыйлар.

  Тырыш кешеләрнең хезмәте хөкүмәт, хакимият тарафыннан бәяләнгәч күңел күтәрелеп китә. 2025 елда һәр баш сыерга 6 мең сумнан субсидия биргәннәр иде, шул акчага мал азыгы сатып алдык. ЛПХ, КФХларны үстерү өчен дәүләт программалары булып һәм алар гамәлдә үтәлеп торсын. Авыл җирендә күпләп мал асрап мул-иркен тормышта яшәргә була. Дөрес, кайберәүләр: «Мал-туар булган җирдә тирес исе, тегесе-бусы...», – дип борыннарын җыерган булалар.

  
• 17 гыйнвар 2026

  Куадыда яшәүче Мөхтәрәмә әбигә йөз яшь

  «Безнең мәгърифәт өлкәсендәге хезмәт стажыбыз үзе бер гасыр», – ди Мөхтәрәмә апа.

  
• 16 гыйнвар 2026

  Мин – бәхетле, балаларым – игелекле!

  Хәлилә Галәлетдиновна бай кеше. Аның биш баласы, 11 оныгы, 32 оныкчыгы, оныкчыкларның ике оныгы бар. Алар барысы да Хәлилә апаның бер гасырлык гомер бәйрәменә җыелганнар. Табыннар – түгәрәк. Күңелләрдә – шатлык-сөенеч. Йөз яшьлек ак әбинең урыны – түрдә.

  
• 30 декабрь 2025

  Камил Нәҗмиев: «Һәр кешегә уңайлы яшәү шартлары!»

  Агымдагы елга нәтиҗә ясау, ирешелгән уңышларны билгеләп үтү һәм алдагы елга максат һәм бурычлар хакында район башлыгы белән әңгәмә кору – җирлегебез халкы өчен кызыклы булыр. Халык саны һәм территориясе буенча да, шәһәр яны районы булуы белән дә үзенчәлекле булган Тукай районы белән җитәкчелек итү – катлаулы һәм бик авыр вазыйфа. Шулай булуга да карамастан район башлыгы Камил Нәҗмиев әңгәмә өчен вакыт бүлде.

  
• 03 декабрь 2025

  Шушы туфракта язсын яшәргә!

  Кичә район җирлегендәге Иске Абдул гомумбелем бирү мәктәбендә агрокласс ачылды.

  
• 28 ноябрь 2025

  Тулы, матур гаиләдә биш бала тәрбияләп үстерү һәм аларның игелеген күрү – ана өчен иң зур бәхет

  Олыгаю чорына кергән кешеләр яшьлеген сагына, шул чорларны якты хатирәләр белән искә ала. Боерган авылында яшәүче Гөлфия Мәхмүтова гомеренең һәр фасылы хакында яратып сөйли.

  
• 27 ноябрь 2025

  Әниләрнең йөрәк җылысы. Әниле кеше – иң бәхетле кеше. Гомеребез буе аналарга игелек кылсак та, әниләр каршындагы бурычыбызны үтәп бетерә алмыйбыз

  Чәршәмбе көнне Яр Чаллыдагы «Энергетик» мәдәният сараенда әниләр көненә багышланган бәйрәм чарасында Тукай районы җитәкчелеге, райондашларыбыз күңел түрендә булган рәхмәтләрен җыр-моң, назлы-матур сүзләр аша ирештерделәр.

  
• 24 ноябрь 2025

  Игенче һәм терлекче дә, төзүче һәм газлаштыручы да, җитәкче һәм эш башкаручы да, җырчы-биюче дә ул. Саный китсәң аның һөнәрләрен?!.

  Актаныш районы Иске Байсар авылында туып-үскән Камил Назыйф улы Нуретдинов гомере буе Тукай районындагы төрле оешмаларда эш башкаручы, җитәкче вазифаларында намуслы хезмәт куйган.