2027 елда Россиядә картлык буенча иминият пенсиясенең уртача күләме 29 мең сумнан югары булыр дип көтелә. Бу хакта РИА Новостига РФ Хөкүмәте каршындагы Финанс университеты профессоры Александр Сафонов хәбәр иткән.
Аның сүзләренә караганда, Социаль фонд бюджетының хәзерге күрсәткечләре һәм Хезмәт министрлыгының фаразлары нигезендә, киләсе елда уртача еллык пенсия 29 088,66 сумга җитәргә мөмкин.
Пенсияләрне 2027 елда ике тапкыр индексацияләү планлаштырыла. Беренче үсеш 1 февральдән гамәлгә кереп, 4 процент тәшкил итәр дип көтелә. 1 апрельдән исә түләүләр Социаль фонд керемнәренең артуын исәпкә алып тагын 3,4 процентка күтәрелергә мөмкин. Шулай итеп, еллык гомуми үсеш якынча 7,5 процент тәшкил итәчәк.
Шул ук вакытта белгеч пенсия күләме һәр кеше өчен аерым исәпләнүен искәрткән. Ул җыелган пенсия коэффициентлары һәм билгеләнгән түләү күләменә бәйле булачак.
2027 елның февраленнән билгеләнгән түләүнең 9 968,08 сумга кадәр артуы көтелә. Пенсия коэффициентының бәясе дә ике этапта үзгәрәчәк: февральдә 163,03 сумга, ә апрельдә 168,57 сумга кадәр җитәргә мөмкин, дип яза РИА Новости.
"Якты юл" газетасына язылыгыз һәм Тукай районындагы яңалыкларны, вакыйгаларны белеп торыгыз
Нет комментариев