2026 елның 1 апреленнән акча күчерү кагыйдәләре үзгәрәчәк
2026 елның 1 апреленнән Россиядә акча күчерү кагыйдәләренең яңа тәртипләре гамәлгә керәчәк. Бу хакта Г. В. Плеханов исемендәге Россия икътисад университеты доценты Мери Валишвилига нигезләнеп РИА Новости хәбәр итә.
«2026 елның 1 апреленнән акча күчерү кагыйдәләрендә үзгәрешләр гамәлгә керә», — ди ул.
Белгеч сүзләренчә, бу үзгәрешләр нигездә техник характерда һәм илнең түләү системасын камилләштерү, шулай ук аны халыкара стандартларга туры китерү максатыннан эшләнә.
Яңа таләпләргә караганда, «түләүче» реквизиты юридик затлар һәм банклар өчен хәзер тулы яки кыскартылган исемне күрсәтүне таләп итә. Физик затлар тулысынча фамилия, исем һәм әтисенең исемен язарга тиеш. Шәхси эшмәкәрләр исә тулы исемнәре белән беррәттән хокукый статусларын да күрсәтергә тиеш, ә шәхси практика алып баручы затлар эш төрен һәм ИННны да билгеләргә тиеш.
Түләүгәндә нәрсә өчен акча күчерелүе турында тулы мәгълүмат (товар исеме, хезмәт төре, килешүнең номеры һәм датасы) язылырга тиеш. Шул ук вакытта текстның озынлыгы 210 билгедән артмаска тиеш.
Моннан тыш, түләү документларында яңа графа («фактический плательщик») булачак. Бу графа түләүне салым түләүче үзе түгел, ә аның вәкиле (мәсәлән, ышанычнамә буенча бухгалтер) башкарганда тутырыла. Мондый очракта акчаның чын хуҗасының мәгълүматлары (ИНН, КПП яки тулы исеме) күрсәтеләчәк.
Чыганак: Татар-Информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев