Күпләп туабыз, үлем-китем дә аз түгел

Агымдагы елның 8 ай нәтиҗәләре буенча районда 361 бала туган, шул ук вакытта 368 кеше вафат булган. 2011 ел белән чагыштырганда, 131 сабыйга күбрәк туган, бигрәк тә икенче һәм аннан соңгы балалар тууның артуы сөендерә. Кызганычка каршы, үлем күрсәткече дә югары: август аенда гына 59 кеше дөнья куйды. Узган 8 айда үлгәннәрнең 44 проценты, ягъни 117 ир кеше 60 яшькә дә җитмәде. Хатын-кызлар арасында әлеге күрсәткеч 8 процент тәшкил итә. Аларның 83 проценты 70 яшендә һәм аннан да өлкәнрәк яшьтә вафат булды, дип хәбәр итә район гражданлык актларын теркәү бүлеге белгече Айзирә Ганиева.