Бәтке кечкенәләре лагерьда ял итә

Бәтке мәктәбе базасында "Ромашка" лагере эшли. Монда алты яшьтән алып бишенче сыйныфны тәмамлаган 95 бала ял итә. Бүгенге көнгә балалар Яр Чаллыда карусельләрдә булып өлгергән. Алга таба отрядлар белән "Макдоналдс" ресторанына, Дельфинарийга һәм "Синема парк" кинотеатрлар залына барырга планлаштыралар. Лагерьда барысы 7 тәрбияче, 3 ашарга пешерүче һәм техник хезмәткәр эшли.

- Балаларның һәр көнен кызыклы итәргә тырышабыз. Әйтик кичә генә Экология көнен бәйрәм итсәк, бүген Универсиадага багышлап, шахмат турниры уздырырга торабыз, - дип белдерде лагерь җитәкчесе Гөлнур Хатыйпова.