Кышкы полиатлон буенча иң-иңнәрне Яңа поселогында билгеләделәр

16 февраль көнне Яңа поселогының балалар һәм яшүсмерләр мәктәбе базасында кышкы полиатлон буенча ачык беренчелек узды. Районның 12 мәктәбеннән 50 кеше килгән иде, дип хәбәр итә районның яшьләр эшләре, спорт һәм туризм бүлеге. Командалар арасында беренче урында Мәләкәс авылы, икенчедә - Калмаш, өченче урында Яңа поселогы. Ә шәхси зачетта урыннар болайрак:

егетләр арасында Владислав Адамов (Мәләкәс) - беренче, Михаил Чернышев (Яңа поселогы), Азат Закиров (Шилнәбаш) икенче һәм өченче урыннарны яуладылар.

Кызлар арасында Алия Вахитова (Иштирәк), Айгөл Нуретдинова (Яңа поселогы) һәм Айгөл Шәрәфиева (Калмаш) иң көчлеләр дип табылдылар.